ZANZIBAR HEROES YAWANYOA WANYARWANDA KWA MABAO 3-1 CHALENJI

Zanzibar Heroes imeonyesha imepania kufanya vema katika michuano ya Chalenji baada ya kuitwanga Rwanda, Amavubi kwa mabao 3-1.

Michuano ya Chalenji inafanyika nchini Kenya na Zanzibar Heroes ni kati ya wawakilishi wa Tanzania.

Zanzibar ambayo awali haikupewa nafasi kubwa ya kushinda mchezo huo ilionyesha soka safi na kupata ushindi iliostahiri.

Mudathir Yahaya alifunga bao la kwanza mapema tu kabla ya Issa Mohamed ‘Banka’ kufunga la pili na Kassim Khamis akamaliza kazi kwa kupiga msumari wa mwisho.

Kikosi hicho kingeweza kupata mabao mengi zaidi kama wachezaji wake wangekuwa makini katika umaliziaji.