KOCHA MPYA WA SIMBA ATUA DAR KIMYAKIMYA, AFICHWA HOTELINI....

Anayetarajiwa kuwa Kocha mpya wa Simba tayari yuko nchini.

Kocha huyo Mfaransa atachukua nafasi ya Joseph Omog na inaelezwa ni mmoja wa makocha wakubwa waliowahi kufundisha timu kubwa barani Afrika.

Pamoja na vyombo vingi vya habari kuwa vinaandika kuhusiana na ujio wa kocha huyo raia wa Ufaransa, Simba imemleta kocha mwingine kabisa.

Simba imemleta kocha huyo raia wa Ufaransa ambaye yuko tayari nchini na leo anaweza kumalizana na klabu hiyo.

Kama atamalizana na klabu hiyo, rasmi atakuwa kocha mpya wa Simba na anatarajia kuanza kazi hivi karibuni.

Habari za uhakika zinaeleza kocha huyo ambaye ameletwa na Mohamed Dewji kwa kushirikiana na kamati ya utendaji ya Simba amefichwa katika moja ya hoteli maarufu jijini Dar es Salaam.