OKWI AREJEA TENA DAR ES SALAAM, SAFARI HII NA SIMBA IKIWA KAMILI KUIVAA SINGIDA

Mshambuliaji wa Simba, Emmanuel Okwi amerejea tena jijini Dar es Salaam akiwa na kikosi chake cha Simba tayari kwa mechi ya kesho dhidi ya Singida United.

Simba imerejea Dar es Salaam na moja kwa moja kujichimbia kambini kwa ajili ya kusubiri mechi hiyo kesho kwenye Uwanja wa Taifa jijini Dar es Salaam.

Okwi ambaye alijiunga na Simba juzi kabla ya kufanya mazoezi jana, ni kati ya wachezaji wanaotarajiwa kucheza mechi hiyo ya kesho, timu hizo zikikutana kwa mara ya kwanza baada ya Singida United kurejea Ligi Kuu Bara.

Simba inaongoza ligi hiyo ikiwa na pointi 26 na Singida ina pointi 23 ikitaka ushindi ili kuhakikisha inaifikia Simba na ikiwezekana, kuipita.

MATOKEO SIMBA:

Simba 7-0 Ruvu 

Azam 0-0 Simba 

Simba 3-0 Mwadui

Mbao 2-2 Simba 

Stand 1-2 Simba 

Simba 1-1 Mtibwa 

Simba 4-0 Njombe

Yanga 1-1 Simba 

Mbeya 0-1 Simba 

Prisons 0-1 Simba 

Simba 1-1 Lipuli   

Ndanda 0-2 Simba