Kocha Mkuu wa Singida United, Hans van Der Pluijm amesema kamwe hajawahi kuidharau Simba, lakini Alhamisi itakuwa ni "kazi kazi".
Simba inaivaa Singida United katika mechi ya Ligi Kuu Bara, mechi itakayopigwa jijini Dar es Salaam.
Pluijm amesema tokea akiwa Yanga anajua Simba ni timu kubwa na wapinzani wa kweli lakini kikosi chake kipo tayari.
"Siwezi kuwadharau Simba, lakini najua ni mechi ngumu itayohitaji kupambana hasa. Kikosi chetu kipo tayari na tunajiandaa kufanya vema," alisema.
Singida United iko katika nafasi ya nne ikiwa na pointi 23 na inataka ushindi ili kufikisha pointi 26, sawa na Simba iliyo kileleni.
Kikosi hicho wamekuwa wapinzani wakubwa kwa timu za Ligi Kuu Bara kutokana na walivyojipanga kwa kuwa na kikosi bora kilichosajili wachezaji wazuri.
0 COMMENTS:
Post a Comment