WAPENDA MICHEZO UGANDA WALAANI KITENDO CHA OKWI KUSHAMBULIWA

Wanamichezo kutoka nchini Uganda wamejadili suala la mshambuliaji Okwi kushambuliwa.

Moja ya kipindi cha michezo katika runinga ya Uganda ya UBC, wamejadili suala la mchezaji huyo kupigwa ngumi au kiwiko na mchezaji wa Ruvu Shooting na kulazimisha atolewe nje ya uwanja.

Okwi ni kati ya wachezaji ambao wamekuwa sehemu ya kikosi cha timu ya taifa ya Uganda cha The Cranes.

Wakati wa mjadala huo watu mbalimbali wengine katika mitandao ya kijamii, walichangia na kulaani suala hilo.

Okwi alipigwa wakati akiwa hana mpira na beki huyo Mau Bofu wa Ruvu Shooting alitolewa kwa kadi nyekundu.

Wachangiaji hao walikiita kitendo hicho ni cha kipuuzi na kilichopitwa na wakati huku wakilaani kuwa beki huyo wa Shooting, si mwanamichezo.