Katibu Mkuu wa klabu ya Yanga, Charles Boniface Mkwasa, ametolea ufafanuzi uwepo wa taarifa zinazoeleza kuwa wadhifa wake umekalia kuti kavu.
Mkwasa alisema kuwa hakuna tatizo lolote lililopo ndani ya klabu, bali ni mitandao tu imekuwa ikiandika kila wanalolijua.
Kauli hiyo imekuja mara baada ya kuenea kwa taarifa zinazoeleza kuwa Mkwasa anaweza akaachia ngazi ya Ukatibu Mkuu ndani ya Yanga, baada ya kuhusishwa na kuondoka kwa Kocha George Lwandamina.
Kupitia kipindi cha Michezo cha EFM Radio, jana jioni, Katibu huyo pia alisema Yanga imeshakuwa na viongozi wengi, yeye si Katibu wa kwanza kuanza kazi pale, walikuwepo wengi na wakaondoka.
"Mimi si mtu wa kwanza kuwa Katibu Mkuu Yanga, walikuwepo wengi waliokalia kiti hiki lakini hawapo kwa sasa, kama wakati wangu ukifika wa kuondoka, nitaondoka na atakuja mwingine" alisema Mkwasa.
Mbali na hayo, Mkwasa amewataka Wanayanga wote kuwa watulivu katika kipindi hiki ili kuepusha ujio wa migogoro ambayo inaweza ikaleta mtafaruku ndani ya klabu, ambapo hivi sasa wanasubiri mchezo wa Kombe la Shirikisho Afrika dhidi ya Wolaiita Dicha FC.
Haki ya Mungu jamani msimvae Mkwasa yeye sie hata kidogo sababu ya kuondoka kocha na kocha yeye mwenyewe katamka kuwa hajapokea mshahara wa miezi mitatu na mbali ya madeni mengine. Mzambia hakuja kufanya kazi ya bila ya malipo. Timu itakuwa na morali gani ikiwa kocha na nachezaji wake wenye familia wanafanya kazi bila ya malipo. Mkwasa ni muungwana hajalalamika kitu
ReplyDeleteNi muhimu kutibu tatizo la msingi kwa Club kama Yanaga. Uchumi husipoimarika hatuwezi kuwa na kocha yoyote yule maana watakimbia tu, kazi inahitaji malipo
ReplyDelete