AZAM KUPIGANIA NAFASI YA PILI DHIDI YA PRISONS HUKU MTIBWA WAKIALIKWA NA NJOMBE LEO

Ligi Kuu Bara inaendelea tena Jumapili ya leo kwa mechi mbili kupigwa katika viwanja tofauti.

Kikosi cha Azam kitakuwa kinawakaribisha Tanzania Prisons katika Uwanja wake wa nyumbani, Azam Complex ambapo mechi itaanza majira ya saa moja jioni.

Kuelekea mechi hiyo, Afisa Habari wa Azam, Jaffer Idd Maganga, amesema baada ya kuukosa ubingwa sasa wanapigania kumaliza wakiwa nafasi ya pili.

Azam ina alama 52 hivi sasa ikishika nafasi ya pili, wakati Yanga iliyo na mechi mbili mkononi ikikamata nafasi ya tatu kwa kujikusanyia pointi 48.

Mbali na Azam, mechi nyingine itakayoanza majira ya saa 10 kamili jioni itakuwa ni kati ya Njombe Mji FC walio katika mazingira mabaya ya kushuka daraja wataikaribisha Mtibwa Sugar kwenye Uwanja wa Sabasaba mjini Njombe.