Na George Mganga
Kikosi cha Simba kinaondoka asubuhi ya leo kuelekea Singida kwa ajili ya mchezo wa Ligi Kuu Bara dhidi ya Singida United.
Vinara hao wa ligi wameazimia kuuchukua ubingwa wa Ligi Kuu Bara kufuatia kuukosa kwa muda mrefu ikiwa ni takribani miaka mitano.
Simba itakuwa mgeni dhdi ya walima alizeti hao Jumamosi ya Mei 12 2018 katika Uwanja wa Namfua mjini humo.
Simba ina kumbukumbu ya kuicharaza Singida jumla ya mabao 4-0 katika mchezo wa mkondo wa kwanza wa ligi jijini Dar es Salaam katika Uwanja wa Taifa.
Taarifa kutoka ndani ya Simba zinaeleza kuwa morali ya juu kwa wachezaji wa kikosi hicho ipo huku hakuna majeruhi aliyeripotiwa kutokea.
Kazi ni moja tu Simba mwaka huu, acheni kusikiliza maneno. Mpira hauchezwi kwenye magazeti bali uwanjani na mwamuzi ni dk 90. Waambieni wajiandae kuvuna alizeti uwanjani hapo
ReplyDelete