SIMBA WAZIDI KUJIFUA KUIWINDA SINGIDA UNITED YENYE HASIRA ZA KULIPIZA KISASI

Kikosi cha Simba jana kimeendelea na mazoezi katika Uwanja wa White Sand kujiandaa na mchezo wa ligi dhidi ya Singida United.

Simba ambaye ni kinara wa ligi mpaka sasa itakuwa mgeni wa Singida United mjini Singida katika uwanja wa Namfua.

Singida wanaikaribisha Simba wakiwa na machungu ya kupoteza mchezo wa raundi ya kwanza kwa jumla ya mabao 4-0.

Wakati Simba ikipambana kuwania pointi moja kutangaza ubingwa, Singida wametamba kulipiza kisasi huku wakiahidi kuivunja rekodi ya Simba ambayo haijapoteza mchezo hata mmoja msimu huu.