TETESI ZA SOKA BARANI ULAYA JUMATATU YA LEO MEI 21 2018

Manchester City wanampango wa kumsajili kiungo wa kati wa Chelsea Eden Hazard,27, kwa mkataba wa £100m baada ya meneja Pep Guardiola kumuweka mchezaji huyo kuwa kiungo muhimu anayemlenga wakati wa uhamisho.(Star)

Klabu ya Utaliano ya AC Milan imempatia kiungo wa kati wa Manchester United Marouane Fellaini,30, mkataba wa miaka mitatu huku kiungo huyo raia wa Ubelgiji kuwa huru kwa uhamisho wa bure katika majira ya joto. (Times - subscription required)

Beki wa Tottenham,Toby Alderweireld, 29, ni miongoni mwa wanaotarajiwa kuuzwa na klabu ya United wakati wa uhamisho wa majira ya joto. (Mirror)

West Ham inaamini kumteuwa Manuel Pellegrini kama meneja wao mpya wiki hii- ambayo itaipatia nafasi nzuri ya kumsajili kiungo wa kati Yaya Toure, 35, aliyeiaga Manchester City. (Telegraph)

Meneja wa Chelsea Antonio Conte anatarajiwa kuiaga Chelsea kwa saa 48 zijazo - huku meneja wa zamani wa Barcelona Luis Enrique anatarajiwa kuchukua nafasi hiyo. (Express)

Kiungo wa kati wa Arsenal Jack Wilshere, 26 yuko tayari kutia saini mkataba wa miaka mitatu aliyopewa na Arsenal , licha ya kupata mapendekezo bora kutoka Everton na Wolves. (Mirror)

Manchester United imekubaliana katika hatua za kwanza na kiungo wa kati kutoka Brazil Talisca, 24 ambaye amekuwa kwenye mkopo na Besiktas kutoka Benfica. (Star)

Uteuzi wa Kocha wa zamani wa Paris St-Germain Unai Emery umewashangaza wengi baada ya kuteuliwa katika dakika za mwisho kuwa meneja mpya wa Arsenal. (Mail)

Mlinda lango kutoka Ubelgiji Thibaut Courtois, 26 ametishia kuihama Chelsea iwapo klabu hiyo haitatumia pesa zake kama klabu za ''Manchester United na City'' msimu huu wa joto. (Sun)

Mazungumzo ya Napoli na meneja wao Maurizio Sarri yametibuka kutokana na mataminio ya meneja huyo kutaka kuihamia Chelsea. (Mirror)

Mhispania Santi Cazorla ,33, amepewa nafasi ya kujiunga na klabu yake ya zamani ya Villarreal huku mkataba wake na Arsenal ukitarajiwa kukamilika. (Evening Standard)

Kutoka BBC