BAO LA FEI TOTO LAMTIBUA KASEJA

Kiungo Mkabaji wa timu ya Yanga Feisal Abdallah "Fei Toto" amefanikiwa kufunga bao pekee dakika za lala salama lililomtibua mlinda mlango mahiri wa KMC Juma Kaseja ambaye alianza kuwalalamikia mabeki wake kwa uzembe.

Yanga walikuwa wanacheza leo na KMC Uwanja wa Taifa Dar es Salaam, wamefanikiwa kuendeleza mwendo wao wa kupata ushindi kwa wapinzani wao.

Bao la Yanga wamelipata dakika ya 89 baada ya beki wa timu ya KMC, Ally Ally kucheza  rafu eneo la hatari na kupelekekea mwamuzi kutoa faulo ambayo ilipigwa na Fei Toto
 Kwa matokeo hayo Yanga wanafanikiwa kushinda mchezo wao wa saba baada ya kucheza michezo nane na kutoa sare mchezo mmoja huku wakifikisha pointi 22 zinazowapeleka nafasi ya pili kwenye msimamo wa Ligi Kuu Bara.