KMC:TUTAWAPA TABU YANGA LEO

Beki mkabaji wa timu ya KMC, Ally Ally "Mwarabu" amesema kuwa wamejiandaa kwa ajili ya mchezo wao wa leo dhidi ya Yanga utakaochezwa Uwanja wa Taifa.

Ally ambaye ametokea timu ya Stand United ana uzoefu wa mechi kubwa za Yanga na Simba kwa kuwa alikuwa kwenye ligi msimu uliopita na alionesha ushindani .

"Maandalizi yapo vizuri, tunawaheshimu Yanga ila tumejipanga kwa kuwa mpira unachezwa uwanjani, tutawapa tabu uwanjani ili kuhakikisha tunapata matokeo,  mashabiki watupe sapoti," alisema.

KMC imepanda daraja msimu huu haijawa na matokeo mazuri katika michezo yake 10 imefanikiwa kushinda mchezo mmoja na kutoa sare michezo 7 huku ikipoteza michezo 2 na kukusanya pointi 10.