Mshambuliaji wa Manchester United Anthony Martial, 22, yupo tayari kuzikacha klabu za Juventus, Paris St-Germain na Bayern Munich ili asalie na Mashetani Wekundu. (ESPN).
Manchester City wapo katika harakati za kumsajili beki wa Juventus na timu ya taifa ya Brazil Alex Sandro, 27. (Sun).
City pia wanataka kumsajili kiungo wa Japan Ritsu Doan,20, mwezi January. Kiungo huyo mwenye thamani ya £5 milioni kwa sasa anakipiga na klabu ya Groningen ya Uholanzi. Juventus na Atletico Madrid pia wameonesha nia ya kumtaka kinda huyo. (Mirror).
Chelsea wanajiandaa kupokea £9.5 milioni iwapo Real Madrid watamteua Antonio Conte kuwa meneja wao. (Sun)Jose Mourinho anatarajiwa kupinga mashtaka dhidi yake ya kutoa lugha chafu wakati Manchester United ilipoifunga Newcastle. (Sky Sports).
Mourinho ameonywa na wamiliki Manchester United kuwa kauli zakezinaathiri taswira ya klabu hiyo kimataifa. (Sun).
Arsenal wamemuweka katika rada zao beki wa kushoto wa Ajax na Argentina Nicolas Tagliafico, 26. ( Mirror).
Jose Mourinho atamtumia mshambuliaji Romelu Lukaku Manchester United watakapovaana na Everton siku ya Jumapili. Lukaku,25, amecheza mechi nane bila kufunga goli. (Star).
Juventus wanajiandaa kupambana na Chelsea katika harakati za kumsajili kiuongo kinda Sandro Tonali,18. Kiungo huyo ananga'ara katika ligi ya Serie B na klabu ya Brescia. ( Talksport).
Mshambuliaji wa Uholanzi Robin van Persie, 35, ambaye kwa sasa anakipiga katika klabu ya Feyenoord, anatarajiwa kustaafu soka mwisho wa msimu. (AD - Dutch)Klabu za Wolves, Leicester City, Southampton na Fulham zinahusishwa na harakati za kumsajili kiungo wa Ureno Joao Mario. Mario,25, hajacheza hata mechi moja katika klabu ya Inter Milan msimu huu. (Calciomercato).
Juventus na Borussia Dortmund ni miongoni mwa klabu kubwa ambazo wanamfuatilia kiungo kinda wa Uingereza Matt O'Riley,17, anayekipiga katika klabu ya Fulham. (Evening Standard).
Kutoka BBC.
0 COMMENTS:
Post a Comment