MASAU BWIRE APANIA KUWAPAPASA AZAM FC,HIKI HAPA AMESEMA

Ofisa habari wa timu ya Ruvu Shooting, Masau Bwire amesema kuwa kikosi chake kipo tayari kuwapapasa squad wapinzani wao Azam FC katika mchezo utakaochezwa uwanja wa Chamazi Novemba 22.

Bwire amesema kuwa wana kila sababu za kufanya vizuri kwa kuwa mchezo wao wa mwisho walichukua pointi tatu mbele ya Stand United, mchezo uliochezwa uwanja wa Mabatini.

"Timu ipo sawa na tumejiandaa kiasi cha kutosha kuweza kuwapapasa wanaofuata ambao kwa sasa ni Azam FC, tupo tayari," alisema.

Azam FC ni vinara kwenye ligi, hawajapoteza mchezo hata mmoja zaidi ya kutoa sare 3 na kushinda michezo 9 kati ya 12 waliyocheza wakiwa na pointi 30.