MTIBWA SUGAR HAWATAKI AIBU, HIKI NDICHO WAMEANZA KUKIFANYIA KAZI

Uongozi wa timu ya Mtibwa Sugar, umesema kuwa kwa sasa hesabu zao ni kuweza kuImarisha kikosi ili kuweza kupeperusha bendera Kimataifa hasa kwa kuwa wanashiriki michuano ya kombe la Shirikisho.

Ofisa habari wa Mtibwa Sugar, Thobias Kifaru amesema kuwa timu ina kazi kubwa ya kuhakikisha inafanikiwa kupeperusha vema bendera kimataifa hivyo kitu cha kwanza ni kuhakikisha wanaimarisha timu yao.

"Tuna kazi kubwa ya kufanya hasa kwenye michuano ya kimataifa, tunakiandaa kikosi kuwa imara ili tusipate aibu tukianza mashandano hayo.

"Wachezaji wetu wengi tumewalea sisi wenyewe na tunaongoza kwa kutoa wachezaji wazuri kwa timu nyingine, imani yetu kuwajenga zaidi wawe na ubora waweze kuleta ushindani kimataifa," alisema.

Mashindano hayo yanatarajiwa kuanza mwishoni mwa mwezi huu baada ya ratiba kupangwa.