SIMBA: JS SAOURA NDIO 'NANI' HAWA WETU KABISA TUNAWANYOOSHA KWAO

MSHAMBULIAJI wa Simba, Meddie Kagere amesema kikosi chake kipo fiti kuelekea kwenye mchezo wao wa kimataifa dhidi ya JS Saoura wana imani watapata matokeo chanya ugenini.

Kagere ana mbao 6 kwenye michuano ya kimataifa na ni kinara kwa wachezaji ndani ya Simba ataongoza kikosi chake Jumamosi kumenyana na JS Saoura, Algeria.

Kagere amesema mashabiki wanapaswa watambue jukumu la kitaifa lililo mikononi mwa Simba ni la kimataifa hivyo ili kupata matokeo chanya sala na dua za mashabiki zina umuhimu.

"Tuna mchezo mgumu kwenye Ligi ya Mabingwa Afrika, JS Saoura ndio kituo kinachofuata hatuna mashaka juu ya uwezo wetu  kwani ni muda wetu kupenya kimataifa.

"Dua na sala za mashabiki na sapoti ni muhimu hasa kwa kikosi chetu cha Simba, imani yangu ni kwamba ni lazima tupate matokeo hicho ndicho tunachokifikiria kwa sasa," amesema Kagere.