JKT TANZANIA YAGOMA KUSHUKA DARAJA

KOCHA wa kikosi cha JKT Tanzania, Mohamed Abdallah 'Bares" amesema kuwa anawaheshimu wapinzani wake Singida United ila atapambana  kupata pointi tatu kwenye mchezo wa leo uwanja wa Namfua.

Bares amesema hali kwa sasa ilivyo kwenye ligi ni lazima kupambana kwani timu iliyo chini ni rahisi kupanda juu ghafla bila kutarajia kutokana na kupishana pointi chache.

"Timu iliyo nafasi ya chini ni jambo jepesi kwake kupanda na kuwa juu kutokana na kila timu ambayo ipo juu kutofautiana pointi chache hivyo nina imani nikipenya hapa nitajiwekea mazingira mazuri ya kubaki kwenye ligi msimu ujao," amesema Bares.

JKT Tanzania ipo nafasi ya 18 baada ya kucheza michezo 35 imejikusanyia jumla ya pointi 40 imebakiza michezo mitatu kukamilisha mzunguko wa pili.