MAJEMBE MENGINE MATATU YA YANGA KUIBUKIA MORO KESHO

NYOTA wa timu ya Yanga ambao walikuwa na timu ya Taifa ya Tanzania iliyokuwa ikishiriki michuano ya Afcon, wanatarajia kujiunga kambini na timu ya Yanga kesho baada ya kumaliza mapumziko ya siku 14.

Kelvin Yondan, Ally Mton ‘Sonso’, Feisal Salum walikuwa na timu ya Taifa iliyoshiriki michuano ya Afcon nchini Misri na kutolewa hatua ya awali bila kuambulia hata pointi moja.

 Kaimu Mtendaji wa Yanga, Dismas Ten amesema kuwa wachezaji ambao hawakuwa na majukumu ya Taifa wote wamewasili kambini kwa ajili ya maadalizi ya msimu ujao.

“Tayari wachezaji wote wamewasili kambini mkoani Morogoro, ambapo maandalizi yetu yanafanyika uwanja wa Jamhuri hivyo ni muda mzuri kujiaanda kwa ajili ya msimu ujao.

“Wale ambao walikuwa na timu ya Taifa pamoja wataunganisha moja kwa moja kambini Morogoro kwa ajili ya kujiunga na timu ambayo tayari imeanza maandalizi ya msimu ujao,” amesema Ten.