KMC NA SIZITAKI MBICHI HIZI

Mganda Jackson Mayanja, Kocha Mkuu wa KMC amesema kuwa kwa sasa kikosi chake hakijakomaa kucheza michuano ya Kimataifa inayoandaliwa na Shirikisho la Soka Afrika (Caf) mpaka msimu ujao.

KMC ilitolewa kwenye michuano ya Kimataifa na timu ya AS Kigali kwa kufungwa mabao 2-1 uwanja wa Taifa na imeanza ligi kwa kuchechemea baada ya kukubali kichapo cha bao 1-0 mbele ya Azam FC.

Akizungumza na Saleh Jembe, Mayanja amesema kuwa ametolewa mapema kutokana na kukosa kikosi imara kwa sasa ameanza kukijenga upya kwa ajili ya ushindani.

“Michuano ya kimataifa inahitaji wachezaji wenye uzoefu na akili jambo ambalo kwangu lilikuwa ni tatizo kwa sasa tumeshagundua tulipokwama tunaongeza nguvu tuwe bora zaidi

 “Ushindani ndani ya ligi ni mkubwa nami napambana kurejea kwenye ubora, wachezaji watazoea mazingira na watakuwa wakomavu baadaye,” amesema Mayanja.