JOSE MOURINHO KUIBUKIA UJERUMANI SASA

TAARIFA kutoka nchini Ujerumani zinasema kuwa Kocha wa zamani wa Chelsea na Manchester United, Jose Mourinho ameingia kwenye rada za Borussia Dortmund.

Klabu hiyo ya Dortmund inamtaka Mourinho aende akabebe mikoba ya Lucien Favre.

Mourinho mwenye umri wa miaka 56 tangu apigwe chini mazima ndani ya Manchester United mwishoni mwa mwaka Jana hadi sasa hana timu.

Kwa sasa amepata dili ya kuchambua Kituo cha runinga cha Sky Sports.

Imeelezwa kuwa tayari Mtendaji Mkuu wa klabu hiyo amewasiliana na Mourinho kuhusu dili hilo.

Dortmund ipo nafasi ya nne baada ya kucheza mechi tisa imejikusanyia pointi 16 tofauti ya pointi tatu na kinara Monchengladbach mwenye pointi 19.