WACHEZAJI STARS LEO WAAHIDI KUFA NA KUPONA SUDAN

WACHEZAJI wa timu ya Taifa ya Tanzania 'Taifa Stars' wamesema kuwa wapo tayari kwa mchezo wa marudiano wa kutafuta tiketi ya kufuzu michuano ya Chan dhidi ya Sudan utakaochezwa leo.

Stars inashuka uwanjani ikiwa na kumbukumbu ya kupoteza Kwa kufungwa bao 1-0 Uwanja wa Taifa Kwenye michuano hii inayohusisha wachezaji wa ndani.

Wakizungumza kwa nyakati tofauti na Saleh Jembe, wachezaji hao wamesema kuwa wanatambua ushindani ni mkubwa ila wapo tayari kupambana kupata ushindi utakaowapa nafasi ya kusonga mbele.

Metacha Mnata, mlinda mlango wa Stars amesema:-" Tunamshukuru Mungu morali ipo sawa kwa wachezaji na tumejiandaa kiasi cha kutosha kupeperusha vema bendera yetu, tunaimani ya kupata matokeo mazuri kwani hilo ndilo ombi letu, tutapambana.

Jonas Mkude, Kiungo wa Stars amesema:- "Kila kitu kipo sawa tunamshukuru Mungu, kilichobaki ni kupambana kutafuta matokeo kwani maandalizi yetu yapo vizuri, kikubwa dua kwa mashabiki nasi tutafanya vizuri.

Idd Seleman 'Nado' mshambuliaji wa Stars amesema :-" Tunajua haitakuwa kazi rahisi kwani wapinzani wetu sio wa kuwabeza wanatutambua ukizingatia tulicheza nao, hilo halitupi taabu tumejipanga kufanya kweli mashabiki watuombee nasi tutapambana uwanjani," amesema.