KILICHO NYUMA YA USHINDI WA SIMBA HIKI HAPA

NAHODHA wa Simba Queens, Mwanahamis Omary amesema kuwa kikubwa kinachoibeba timu hiyo ni ushirikiano na kufuata maelekezo ya mwalimu.

Jana Simba Queens ilizindua uwanja wa Simba Mo Arena kwa ushindi wa mabao 3-0 dhidi ya Marsh Queens ikiwa ni mchezo wa kwanza wa ushindani kuchezwa baada ya uwanja huo uliopo Bunju kuzinduliwa.

Mabao ya Simba Queens yalipachikwa kimiani na Oppa Clement, Zenna Khamis na Mwanahamis Omary na kuifanya Simba Queens kusepa na pointi tatu.

"Tunashirikiana kwa ukaribu na kila mmoja, timu inajua nini inataka na wachezaji wanajua nini wanataka, mashabiki watupe sapoti," amesema.

Simba Queens imefikisha jumla ya pointi 13 ikiwa imecheza mechi tano sawa na Alliance FC ambao nao walishinda mabao 2-0 mbele ya Tanzanite.