YANGA PRINCESS YAMPIGA MTU MKONO HUKO IRINGA

YANGA Princess wamelipa kisasi chao cha kupoteza mbele ya Simba Queens kwa kuichapa Panama FC mabao 5-0.

Kwenye mechi ya watani wa jadi iliyochezwa hivi karibuni, Yanga Princess ilikubali kupoteza kwa kufungwa mabao 3-0 uwanja wa Karume.

Mchezo wa jana uliochezwa uwanja wa Samora, Yanga Princess waliibuka wababe kwa kuibuka na ushindi huo mnonono.

Mabao ya Yanga Princess yalifungwa na Shelda Boniphace aliyefunga hat-trick na kusepa na mpira wake huku Mwapewa Mtumwa na Amina Ally wakitupia bao mojamoja.