MTAMBO WA MABAO NDANI YA SIMBA WATUA, WAJIUNGA NA TIMU MAZOEZINI

UONGOZI wa Simba umesema kuwa mtambo wao wa mabao, Meddie Kagere amerejea Bongo na kesho atakuwa miongoni mwa wachezaji watakaomenyana na Arusha FC kwenye mechi ya Kombe la Shirikisho itakayopigwa uwanja wa Uhuru.

Kagere mwenye mabao nane ndani ya Ligi Kuu Bara msimu huu alitimka Bongo na kuibukia Rwanda kutokana na matatizo ya kifamilia tayari amerejea ndani ya Simba.

Meneja wa Simba, Patrick Rweyemamu amesema kuwa mchezaji huyo ametua Bongo na yupo pamoja na timu inayojiandaa na mchezo wao wa kombe la Shirikisho.

"Kagere aliondoka kutokana na matatizo ya kifamilia ila kwa sasa amerejea na amejiunga na wachezaji wenzake kwa ajili ya maandalizi ya mechi zilizo kwenye ratiba yetu," amesema.