SINGIDA UNITED HALI NI TETE, WAKONGWE WASEPA NA KIJIJI

IMEELEZWA kuwa wakongwe katika timu ya Singida United wametimka kikosini humo kutokana na hali mbaya ya kiuchumi.

 Wachezaji ambao wanatajwa kuondoka ndani ya kikosi hicho, ni pamoja na Haruna Moshi ‘Boban’ Athuman Idd ‘Chuji’, Haji Mwinyi na wote wamesajiliwa kipindi cha dirisha dogo.

 Kiongozi mmoja wa klabu hiyo hakupenda jina lake litajwe ameiambia Spoti Xtra, kuwa: “Wachezaji hao wameamua kuondoka kwenye timu yetu kutokana na hali ngumu ya kifedha tuliyonayo, kwani tulidhani wangetusaidia, lakini hawakuwa na uvumilivu na hivi sasa makocha wanaumiza kichwa namna ya kujenga timu upya jambo ambalo ni hatari zaidi kwa timu yetu"alisema .

 Kocha wa Singida, Ramadhani Nswanzirimo amesema: “Kiukweli mwenendo wa timu yangu kwenye ligi kuu hauridhishi hata kidogo, lakini kuna mabadiliko makubwa tumeyafanya”.