MEDDIE Kagere, mshambuliaji wa Simba amelichanganya benchi la ufundi la Simba kutokana na kasi yake ya kutupia mabao ambayo amekuwa nayo ndani ya ligi na kwenye mechi za watani wanapokutana.
Kagere mwenye mabao 14 akiwa ni kinara ndani ya Simba aliwafunga Yanga msimu huu kwenye mechi iliyochezwa Januari 4, 2020 Uwanja wa Taifa pia aliwafunga msimu wa 2018/19 bao la ushindi kwenye mchezo uliochezwa Uwanja wa Taifa Februari 16.
Kocha Mkuu wa Yanga, Luc Eymael alisema kuwa kazi kubwa waliyonayo kwa sasa mbele ya Simba ambayo watakutana nayo Machi 8 ni kuzuia balaa la washambuliaji wa Simba.
“Ninaona kuna tatizo kubwa hasa kwa upande wangu ukitazama idadi ya mabao ambayo ninayo ni tofauti kabisa na ile ya Simba hili kiasi chake linaleta ugumu lakini ni lazima nilifanyie kazi ili kuzuia balaa la wapinzani wetu.
“Washambuliaji wangu wengi bado hawana ule umakini kwani wakiwa kwenye lango wanapoteza hali ya kujua nini wanatakiwa wafanye tofauti na wenzetu ambao wana washambuliaji wenye mabao mengi kuliko sisi,” amesema.
Safu ya Yanga kinara wa kutupia mabao ni David Molinga ana mabao saba huku kwa Simba akiwa ni Meddie Kagere mwenye mabao 14.
Kumbe unayajuwa vizuri, kwahivo waambie vyura wasifanye makelele watulie kama walivo WA Msimbazi
ReplyDeletenatabiri huu mchezo wa March 8 simba anashinda c chini ya goli 1
ReplyDelete