JUMA Makapu, beki wa Yanga kipenzi cha Kocha Mkuu, Luc Eymael amesema kuwa dua zao kubwa ni kushinda mchezo wao wa hatua ya robo fainali dhidi ya Kagera Sugar ili wakutane na Simba hatua ya nusu fainali wawanyooshe.
Yanga imepangwa kucheza na Kagera Sugar kati ya Juni 30 kwenye mchezo wa Kombe la Shirikisho iwapo watashinda watakutana na mshindi kati ya mchezo wa Azam FC ama Simba.
Akizungumza na Saleh Jembe, Makapu amesema kuwa wanaimani watapata matokeo mbele ya Kagera Sugar na kutinga hatua ya nusu fainali ambapo wanaiombea Simba ipenye mbele ya Azam FC ili wakutane.
“Tunakutana na Kagera Sugar nina amini tutashinda na kutinga hatua ya nusu fainali, hapo sasa ndo tunaomba Simba ipte tukutane nao tena tuwafuge kwani tumeshawazoea tayari kwa sasa hawatutisha, itatatufungulia njia kimataifa tukikutana nao,” amesema.
Kwenye Ligi Kuu Bara Yanga msimu huu iliwafunga Simba kwenye mchezo uliochezwa Machi 8 bao 1-0 huku ule wa Januari 4 zililazimishana sare ya kufungana mabao 2-2.
Yanga ilitinga hatua ya robo fainali kwa kuanza kuinyoosha mabao 4-0 Iringa United Uwanja wa Uhuru, Desemba 21 mzunguko wa 62, ilishinda 2-0 mbele ya Tanzania Prisons Uwanja wa Taifa, mzunguko wa 32, Januari 26 iliwanyoosha Gwambina kwa bao 1-0 Uwanja wa Uhuru hatua ya 16 bora Februari 26 na kutinga robo fainali.
Msijitafutiw aibu na dhihaka kwa mpira gani huo wa kujimwambafai hivyo
ReplyDelete