NYOTA WA YANGA KAMILI GADO KURUDI UWANJANI

 SAIDO Ntibazonkiza kiungo mshambuliaji wa Klabu ya Yanga ameanza mazoezi na kikosi cha timu ya taifa ya Burundi yakiwa ni maandalizi kuelekea mechi za kuwania kufuzu Afcon 2021.

 Raia huyo wa Burundi alikuwa nje ya uwanja kwa muda mrefu akitibu majeraha aliyopata kwenye mchezo wa Ligi Kuu Bara dhidi ya Tanzania Prisons na alijitonesha alipocheza fainali ya Kombe la Mapinduzi mbele ya Simba.  

Ntibanzokiza alikuwa ni chaguo namba moja la Kocha Mkuu, Cedric Kaze ambaye alifutwa kazi Machi 7 kutokana na kile kilichoelezwa kuwa matokeo mabovu ndani ya kikosi hicho.

Anatarajiwa kuja Bongo Machi 26 Burundi ambapo timu ya Burundi itakuja Tanzania kucheza mchezo wao dhidi ya Afrika ya Kati kwa ajili ya kufuzu Afcon.

Serikali ya Tanzania imeiruhusu Burundi kutumia uwanja wa Benjamin Mkapa katika mchezo huo ambao unatarajiwa kuwa na ushindani mkubwa.