NASREDINE Nabi, Kocha Mkuu wa Yanga amewaambia wachezaji wake kuwa wanahitaji kutwaa mataji mawili kwa msimu huu wa 2020/21 ili kufikia malengo ambayo walianza nayo mwanzo wa msimu.
Mataji hayo ni pamoja na Kombe la Shirikisho ambapo tayari Yanga imetinga hatua ya nusu fainali baada ya ubao wa Uwanja wa Kambarage, Shinyanga kusoma Mwadui 0-2 Yanga hivyo inatarajiwa kucheza na Biashara United hatua ya nusu fainali.
Kwenye upande wa ligi ipo nafasi ya pili ikiwa na pointi 61 baada ya kucheza mechi 29 na ina mechi tano mkononi kukamilisha mzungukuko wa pili.
Kwa mujibu wa Ofisa Uhamasishaji wa Yanga, Antonio Nugaz alisema kuwa kocha huyo raia wa Tunisia aliongea na wachezaji na kuwaambia kwamba bado wana kazi ya kufanya kutimiza malengo.
“Nabi ameongea na wachezaji na kuwaambia kwamba bado kazi inaendelea na anahitaji kuona wanafanikisha lengo la kufanya vizuri kwenye Kombe la Shirikisho pamoja na ligi kwani bado mapambano yanaendelea na kazi itaendelea mpaka mwisho,” alisema Nugaz.
Makombe yote mawili ambayo wanapigia hesabu Yanga yapo mikononi mwa watani zao wa jadi Simba ambao nao walibainisha kwamba wanahitaji mataji yao.
Ubingwa ni ngumu, awekeze nguvu kwenye kombe la shirikisho
ReplyDeleteKazi kwelikweli
ReplyDeleteYou have given very good information, I thank you very much, this information is very helpful for me, that is why I have created this kind of information which is almost the same if you also want this kind of information. If someone reads, you can visit the majdashopping website for this and can read very easily through them.
ReplyDeleteWanaita mchana hawa
ReplyDeleteKati ya mechi 8 alizobakiza Simba , anahitaji kushinda mechi 4 tu atangaze ubingwa Kama washindani wake nao wakishinda mechi zao (Other things remains equal - OTRE)
ReplyDelete