YANGA YASEPA NA POINTI TATU ZA GEITA GOLD

 

KIKOSI cha Yanga kimesepa na pointi tatu mbele ya Geita Gold katika mchezo wa Ligi Kuu Bara uliochezwa Uwanja wa Mkapa leo Oktoba 2.

Bao la ushindi limejazwa kimiani na nyota wao mpya Jesus Moloko ambaye alipachika bao hilo dakika ya 16 kipindi cha kwanza na lilidumu mpaka kipindi cha pili.

Mpaka dakika ya 90 inakamilika bado ngoma ilikuwa Yanga 1-0 Geita Gold jambo lililopeleka furaha kwa mashabiki wa Yanga.

Ushindi huo unaifanya Yanga kufikisha pointi 6 kibindoni na unakuwa ni wa pili mfululizo kwa msimu wa 2021/22. 

Walianza kushinda mbele ya Kagera Sugar ambapo mtupiaji alikuwa ni kiungo wao Feisal Salum ambaye alifunga bao la kwanza kwa Yanga msimu huu.