Pamoja na kwamba uongozi wa Yanga unaonekana
kupata ugumu wa kumsajili mshambuliaji wake, Hamis Kiiza, taarifa kutoka ndani
ya klabu hiyo zimeeleza, anatakiwa.
Anayemtaka Kiiza aendelee kubaki ni Kocha
Mkuu, Ernie Brandts ambaye amewaambia viongozi anataka mshambuliaji wa aina
yake.
“Kweli Kiiza amekuwa anatusumbua sana,
anataka tumpe dola elfu hamsini. Hakika ni nyingi sana.
“Lakini kocha anaonyesha anamtaka kwa ajili
ya msimu mwingine, hivyo tunaendelea kupambana.
“Kocha anasema Kiiza ni muhimu katika safu ya
ushambuliaji, bado ameshikilia msimamo wake na mara ya mwisho alisema anataka
dola elfu arobaini na tano,” kilieleza chanzo.
Kiiza amekuwa mmoja wa washambuliaji tegemeo
wa Yanga ingawa baada ya kwisha kwa mkataba wake amekuwa akisisitiza kutaka dau
kubwa.
0 COMMENTS:
Post a Comment