Mshambuliaji wa Real Madrid, Gonzalo Higuaín amekubali kuondoka Real Madrid na kutua Arsenal ya England.
Higuain amekubali kujiunga na Arsenal ambayo itamnunua kwa kitita cha euro milioni 25 na atakuwa akilipwa euro milioni 7.2 kwa msimu.
Higuaín ameonyesha mwenyewe nia ya kutaka kuondoka Real Madrid na sasa anataka kwenda kuishi jijini London na kuichezea Arsenal ambayo kocha wake, Arsene Wenger ameonyesha kwa dhati anataka akafanye naye kazi.
Wiki iliyopita, Wenger alikutana na baba mzazi wa mshambuliaji huyo aitwaye Jorge na kujadili kuhusu mshahara na maslahi yake kwa ujumla iwapo atatua Arsenal na inaonekana walikubaliana kila kitu.
Higuain amekuwa hana namba ya uhakika katika kikosi hicho wakati kikiwa chini ya Jose Mourinho ambaye ameondoka. Lakini Muargentina huyo ameona ni bora kuondoka.
0 COMMENTS:
Post a Comment