KONE SASA ATAKA KUKIPIGA EVERTON AU LIVERPOOL

Mshambuliajki mwenye kasi wa Wigan, Arouna Kone ametangaza kuwa yuko tayari kuihama klabu yake hiyo na kutua Everton au Liverpool.

Kone raia wa Ivory Coast alikuwa kati ya wachezaji waliokuja nchini na timu yake ya taifa kuivaa Taifa Stars ingawa hakucheza pamoja na kupasha misuri mara kadhaa kama anaingia.

Kone ameamua kuondoka Wigan ambayo imeteremka daraja hadi la wkanza ingawa aliisaidia kutwaa ubingwa wa Kombe la FA.

Inaonekana Kone ana nafasi kubwa ya kutua Everton kwa kuwa kocha wake wa zamani Wigan, Roberto Martinez amejiunga na Everton kuchukua nafasi yaDavid Moyes aliyekwenda Manchester United.

Msimu uliopita, Kone alifunga mabao 13 ikiwa ni msimu wake mzuri na Wigan baada ya kutua Wigan alitokea Levante ya Hispania kwa kitita cha pauni milioni 3.5.