SIRI YAFICHUKA, MADRID ILISAINI MKATANBA NA ANCELOTTI MWAKA 2006

Kumbe Kocha Carlo Ancelotti aliwahi kusaini mkataba na klabu ya Real Madrid mwaka 2006.

Runinga ya La Sexta ya Hispania imeanika hilo pamoja na mkataba wenyewe uliosainiwa na pande hizo mbili mwaka 2006 lakini hawakufanya kazi pamoja.

Imeelezwa chanzo cha kutofanya kazi pamoja ni Ancelotti kuamua kwenda AC Milan ambao walisaini mkataba mwingine na kumzuia kurudi Real Madrid ambao hawakutaka kulumbana sana.

 

Mkataba huo wa Ancelotti uliosainiwa Machi 2006 ulikuwa ni miaka miwili na jumla ya mshahara wake kwa kipindi hicho ingekuwa ni euro milioni 3.5 kwa mwaka ikiwa ni pamoja na kitita kingine cha euro milioni 1.5 million kwa kukubali kufanya kazi na 'Los Blancos'.

Madrid imepania kufanya kazi na Ancelotti ambaye pia anaonyesha kuwa anataka kufanya kazi na klabu hiyo kuchukua nafasi ya Jose Mourinho aliyerejea Chelsea.

Huenda baada ya siku chache Madrid ikamtangaza Ancelotti kuwa kocha mpya ingawa kuna ugumu unaotokea kwa waajiri wake wa sasa PSG ya Ufaransa wanaotaka kumbakiza jijini Paris.