GUARDIOLA AAMUA KUMPOTEZEA LUIZ

BAADA ya kuripotiwa kwa siku kadhaa juu ya Klabu ya Bayern Munich kumuwania beki wa Chelsea, David Luiz imefahamika kuwa Kocha wa Bayern, Pep Guardiola amejitoa kwenye mchakato wa kumuwania mchezaji huyo.

Awali ilielezwa kuwa dau la Luiz raia wa Brazil ni pauni milioni 40 lakini sasa Chelsea wameongeza na kutaka walipwe pauni milioni 60 ili wamuachie mchezaji huyo, kitu ambacho Bayern wameona siyo sahihi kwao.

Guardiola amekuwa akimuhitaji mchezaji huyo kutokana na kuhisi safu yake ya ulinzi hasa beki wa kati haijatulia, ndiyo maana akawa tayari kutoa pauni milioni 40 au ikiongezeka iwe milioni 45 na si vinginevyo.

Luiz alitua Chelsea kwa pauni milioni 21.3 akitokea Benfica ya Ureno mnamo Januari mwaka 2011.