KAVUMBAGU: MTANIKOMA MSIMU UJAO

MSHAMBULIAJI wa Yanga, Didier Kavumbagu, raia wa Burundi, amekiri kuwa kutakuwa na ushindani mkubwa wa namba katika nafasi ya ushambuliaji msimu ujao wa Ligi Kuu Bara, lakini akasisitiza kuwa amejipanga vizuri.

Kavumbagu ambaye msimu uliopita alifunga mabao 10, yakiwa ni mengi zaidi ya mchezaji yeyote wa Yanga, amesema  msimu ujao anaamini atakuwa na kasi zaidi ya ufungaji kuliko msimu uliopita.

Amesema atajipanga vyema kwa kuhakikisha anafanya mazoezi kwa bidii ili aweze kumshawishi kocha ampange.

 “Ninakubali hali ya ushindani itakuwepo kwenye safu ya ushambuliaji ukizingatia nyuma yangu kuna wachezaji Mrisho Ngassa, Said Bahanuzi, Jerryson Tegete na Hussein Javu.

“Nitajituma kwa nguvu zangu zote kuhakikisha sipotezi nafasi yangu,” alisema Kavumbagu.