SIMBA WAMPELEKA KAZIMOTO LIBOLO

KLABU ya Simba imepanga kumpeleka kiungo wake mshambuliaji, Mwinyi Kazimoto, katika kikosi cha Recreativo do Libolo cha Angola.

Simba imepanga kufanya hivyo, baada ya kubaini kuwa klabu hiyo inamhitaji kiungo huyo.

Kiungo huyo hivi karibuni alitoroka kwenye kambi ya Taifa Stars na kutimkia Qatar kwenda kufanya majaribio ya kucheza soka la kulipwa.

Akizungumza na Championi Jumatano, Mwenyekiti wa Kamati ya Usajili ya timu hiyo, Zakaria Hans Pope, alisema Libolo imeonyesha nia ya kumsajili kiungo huyo, hivyo watampeleka huko kwa ajili ya majaribio.

Hans Pope alisema kama timu hiyo ikiridhika na kiwango cha kiungo huyo, basi watakaa meza moja kwa ajili ya kufanya mazungumzo katika dau la usajili.

“Libolo imeonyesha nia ya kumsajili Mwinyi, hivyo tumepanga kumpeleka huko. Kabla ya kusajiliwa, atafanya majaribio,” alisema Hans Pope.