MASHABIKI WAMPANGIA CARLO ANCELOTTI KIKOSI REAL MADRID

Mitandao mbalimbali ya soka nchini Hispania imepiga kura na kupanga kikosi cha kocha Carlo Ancelotti kitakavyoanza na hasa ushambuliaji.

Mashabiki hao wanaoonekana wengi kuwa wanataka wachezaji waliochengamka na kuwapanga Ronaldo, Ozil na Isco katika kiungo huku mbele wakiwa na mshambuliaji mmoja tu mbele ambaye ni Karim Benzema.

Kwa upande wa viungo waliopata nafasi ni Xabi Alonso (14.9%) na Modric (9.8%) huku kiungo Mjerumani Sami Khedira aliyekuwa kipenzi cha kocha José Mourinho, akitupwa nje, angalau kinda Casemiro amepata (1%).

Wengine waliopata kura nyingi ni aliyeoongoza, Cristiano Ronaldo (15.8%), Mesut Özil (14.8%) na Isco (14.9%).  Wengine ni Di María (3.6%), Kaká (1.8%) na José Callejón (1%). 

Ancelotti amechukua nafasi ya Mourinho na anatarajia kupata upinzani mkubwa kutoka kwa Barcelona.