NEYMAR ATUA BARCELONA, KUANZA MAZOEZI KESHO

Hatimaye mshambuliaji nyota, Neymar ametua leo jijini Barcelona na kujiunga na timu yake mpya.

Neymar raia wa Brazil atajiunga na wenzake na kuanza mazoezi kesho Jumatatu ikiwa ni mara ya kwanza tokea ajiunge na timu hiyo.

Kupitia mtandao wa kijamii wa Instagram, Neymar aliweka picha yake mara tu baada ya kutua jijini Barcelona na kuandika "Bom dia / Buenos días".

Hayo ni maneno ya Kireno na Kihispania, yakimaanidha “Habari za asubuhi”, kuonyesha amewasili Barcelona asubuhi na mapema.

Kutua kwa mshambuliaji huyo, ni faraja nyingine kwa Barcelona ambayo imetoko ziarani nchini Norway na kutoa kipigo cha mabao 7-0.

Neymar amekuwa gumzo baada ya kuisaidia Brazil kutwaa Kombe la Mabara huku akiibuka mfungaji na mchezaji bora ikiwa ni siku chache baada ya kujiunga na Mabingwa hao wa Hispania.

Gumzo linaongezeka kama kweli ataweza kucheza vizuri kwa kushirikiana na nyota mwingine Lionel Messi raia wa Argentina.