PEP GUARDIOLA AMCHAPA KIBAO THIAGO ALCANTARA

Bosi mpya wa Bayern Munich, Pep Guardiola alimchapa kibao kiungo mpya wa timu hiyo, Thiago Alcantara ambaye pia ni raia wa Hispania kama kocha huyo.

Guardiola ndiye alimshawishi Alcantara kujiunga na timu hiyo akitokea Barcelona aliyowahi kuifundisha pia kabla ya kujiuzulu.

Guardiola alifanya hivyo wakati wa mechi ya Kombe la Super Cup la Ujerumani dhidi ya wapinzani wakubwa Borussia Dortmund, wakati akiwa anatoa maelekezo katika mechi hiyo ngumu ambayo BVB wanaovaa jezi za njano na nyeusi walishinda.

Kocha huyo alionyesha ana hasira wakati akizungumza na wachezaji wake ambao tayari walikuwa wamefungwa na alimuangalia Alcantara na kumpa maelekezo kabla ya kumzabua.

Hata hivyo inaonyesha kibao hicho cha Guardiola kililenga kumshitua kiungo huyo kutokana na kuonyesha kutochangamka au kufuata alichokuwa amemueleza awali na si vinginevyo.