ARTETA KUKAA NJE ARSENAL KWA MWEZI NA NUSU

Kiungo nyota wa Arsenal, Mikel Arteta atakuwa nje ya kikosi hicho kwa mwezi mmoja na nusu.

Muda huo utaanzia kesho wakati Arsenal itakapoanza mapambano ya Ligi Kuu England kuhakikisha inatwaa ubingwa huo ambao imekuwa ikiutafuta kwa zaidi ya miaka kumi sasa.

Kocha Mkuu we Arsenal, Arsene Wenger amethibitisha nahodha wake huyo msaidizi raia ya Hispania ni majeruhi baada ya kuumia mazoezini.

Hali hiyo inaifanya Arsenal kuwa timu inayoandamwa na majeruhi zaidi kuliko nyingine zote.

Tayari zaidi ya wachezaji saba wa kikosi cha kwanza ni majeruhi na Arsenal itaanza ligi dhidi ya Crystal Palace ambayo ndiyo imerejea tena ligi kuu hiyo kesho.

Hali hiyo imekuwa ikiwapa hofu kubwa mashabiki wa Arsenal ambao wakati wa msimu wa usajili hawakusajili hata mchezaji mmoja mzoefu au maarufu.