Pamoja na kuweka wazi kwamba anataka kubaki Real Madrid,
lakini huenda Muargentina Angel Di María akatua Manchester United au PSG.
Di Maria anaweza kujiunga na klabu hizo iwapo Real Madrid
itafanikiwa kumnasa Gareth Bale ambaye inaonekana mwisho atajiunga na timu hiyo.
Iwapo Bale atatua Madrid, Di Maria hatakuwa na ujanja
zaidi ya kuondoka kwa kuwa timu yake ya taifa ya Argentina itakapokwenda katika
Kombe la Dunia nchini Brazil itamhitaji akiwa fiti na anayepata nafasi ya
kucheza.
Kama Madrid itamsajili Bale, basi itampa zaidi nafasi ya
kucheza na Di Maria atabaki kwenye benchi, kitu ambacho hatakikubali.
Hivyo Madrid imesema iko tayari kumuuza PSG au Manchester
ambazo zote zimeonyesha nia ya kumnasa lakini uongozi wa Madrid uliamua abaki
kutokana na Kocha Carlo Ancelotti kusema anamhitaji.
0 COMMENTS:
Post a Comment