BALE KUIKOSA SPURS KATIKA MECHI YA KWANZA LIGI KUU ENGLAND

Kiungo nyota wa Tottenham Hotspurs, Gareth Bale  atakosa mechi ya ufunguzi wa Ligi Kuu England, Jumamosi.

Spurs itakuwa dimbani kuivaa Crystal Palace iliyopanda daraja msimu huu.

Kocha Mkuu wa Spurs, Andre Villa Boas amethibitisha kuwa Bale hatacheza mechi hiyo ya ufunguzi wa ligi kwa madai ya kusumbuliwa na majeruhi.

“Takribani wiki mbili za mwisho za maandalizi, hakufanya mazoezi. Hivyo anatakiwa kuwa fiti zaidi na haitakuwa vema kumchezesha,” alisema Boas.

Hata hivyo bado kumekuwa na hisia kutoka kwa watu mbalimbali kwamba Bale amekuwa akifanya makusudi kwa kuwa ni kampeni zake za kulazimisha kuihama klabu hiyo na kwenda Real Madrid.