BALE ATUA HISPANIA TAYARI KUMALIZANA NA MADRID

Nyota wa Spurs, Gareth Bale ametua nchini Hispania kumalizia dili lake la kujiunga na Real Madrid.

Hadi sasa Bale yuko katika eneo la Marbella, Kilomita 583 kutoka kilipo kikosi cha Madrid ambacho kinajiandaa na mechi ya La Liga.


Lakini taarifa zinaeleza baada ya saa chache, Bale atasogea Kilomita nyingine 178, kabla ya kwenda Santiago Bernabeu kumalizia ishu za kusaini mkataba wake huo mpya.

Imeelezwa Bale atarejea London ndani ya siku chache akiwa mchezaji wa Real Madrid, na Ijumaa atakuwa kwenye Uwanja wa White Hart Lane kwa ajili ya kuwaaga wachezaji wa Tottenham.
Uhamisho wake unatarajiwa kuweka rekodi mpya ya uhamisho duniani ambao utakuwa ni pauni milioni 85 na kuupita ule wa Ronaldo ambaye alitokea Man United na kujiunga na Real Madrid kwa pauni milioni 80.