RONALDO ASEMA ANA RAHA CHINI YA ANCELOTTI, AKATAA KUMZUNGUMZIA MOURINHO

Mshambuliaji nyota wa Real Madrid, Cristiano Ronaldo amesema ana furaha chini ya kocha mpya, Carlo Ancelotti, lakini akakataa kumzungumzia Jose Mourinho.

Ronaldo amewaambia waandishi kwamba anaamini anaishi vizuri na ana furaha chini ya kocha huyo Muitaliano.

Lakini akawaambia hapaswi kusema lolote kuhusiana na Mourinho ambaye ni kocha wake wa zamani na raia wa Ureno kama yeye.

“Nitasema nini, kila kitu kuhusu Mourinho kilionekana, nafikiri sina uwezo wa kuzungumzia lolote kuhusu yeye” alisema kwa ufupi.

Mourinho amejiunga na Chelsea kwa mara nyingine na kuna taarifa kwamba siku moja Ronaldo huenda akajiunga naye.