KIUNGO TOTTENHAM ATUA HULL CITY, AMTUPIA MADONGO AVB

Kiungo Tom Huddlestone ametua Hull City na kusema aliyesababisha yeye kuondoka Tottenham ni kocha Andre Villas-Boas.

Huddlestone ambaye ni kati ya viungo nyota nchini England, amekuwa akikaa benchi mara kwa mara.

Ameamua kutua Hull City kwa dau la pauni 5.25 na kusema AVB alikuwa tatizo kwake na amekuwa akijaribu kuharibu utamaduni wa Kingereza ndani ya White Hart Lane.

Kiungo huyo mwenye umri wa miaka 26 alianza kuchipukia akiwa chini ya kocha mkongwe nchini humo Harry Redknapp.