NEYMAR ABEBA KOMBE LA KWANZA NA BARCA, MESSI AKOSA PENALTI

Barcelona imefanikiwa kubeba kombe la kwanza msimu huu ikiwa chini ya Kocha Tata Martino.

Mshambuliaji wake mpya, Neymar kutoka Brazil naye amepata baraka ya kombe hilo la kwanza.

Lakini nyota wake, Lionel Messi amejikuta katika ‘bahati mbaya’ baada ya kukosa mkwaju wa penalti ambayo timu yake ilipata.

Pamoja na Messi kukosa penalti hiyo, Barcelona imefanikiwa kubeba kombe hilo dhidi ya Atletico Madrid baada ya timu hiyo kutoka suluhu.
Katika mechi ya kwanza mjini Madrid, Barcelona ikiwa mgeni ililazimisha sare ya bao 1-1 ambalo ndilo limeipa ubingwa.

Kawaida mechi mbili za Super Cup huwakutanisha mabingwa wa Hispania na wale wa Kombe la Mfalme maarufu kama Copa de Rey.