SIRI IMEFICHUKA, MANCINI ALITAKA KUMUACHA JOE HART

Kocha msaidizi wa zamani wa Man City, David Platt amesema walikuwa na mpango wa kumtema kipa wao namba moja Joe Hart.

Platt mmoja wa mabeki nyota zamani wa Arsenal, amesema mpango huo ulikuwa hivi; kumtema Hart na kumsajili, Asmir Begovic anayekipiga Stoke City.

Akizungumza na runinga ya Al Jazeera, Platt alisema uamuzi huo ulitokana na makosa lukuki aliyokuwa akifanya Hart.

“Kama mimi na Mancini tungekuwa Man City hadi sasa, basi sasa hivi Hart asingekuwepo. Tuliona amekuwa na makosa mengi sana, hivyo tulipanga kumsajili Begovic kuchukua nafasi yake,” alisema.

Kauli hiyo ya Platt imeonyesha kuwashtua wengi lakini imeubua mjadala wa makosa mengi ya kila huyo katika mechi kadhaa zikiwemo zile za England pamoja na ile ya juzi dhidi ya Cardiff ambayo Man City ililala kwa mabao 3-2.