TEGETE, JONAS MKUDE WAKIMBIZANA UFUNGAJI BORA, JKT RUVU YAKAA KILELENI

Mshambuliaji wa Yanga, Jerry Tegete ni kati ya wachezaji watatu walioanza kwa kasi kuwania kiatu cha dhahabu katika msimamo wa wafungaji wa Ligi Kuu Bara.

Ligi Kuu Tanzania Bara imesimama baada ya kila timu kucheza mechi mbili na Tegete, kiungo Jonas Mkude wa Simba na mshambuliaji Bakari Kondo, kila mmoja ana mabao mawili.

Wachezaji hao watatu ndiyo wanaoonyesha kuianza kwa kasi kazi ya ufunagaji mabao katika ligi hiyo ambayo itasimama hadi Taifa Stars itakapocheza na Gambia.

Ligi hiyo inayosimama kwa wiki mbili, itaanza kutimua vumbi tena Septemba 14 na huenda kasi ya yupi ataendelea zaidi itaonekana tena.

Lakini sasa watatu hao, wanaendelea kubaki kileleni baada ya mechi hizo mbili za mwanzo wa ligi hiyo inasubiriwa kwa hamu.

Kwa upande wa msimamo wa timu, JKT Ruvu imekaa kileleni kwa kuwa na pointi sita na inafuatiwa na Yanga, Azam FC, Coastal Union, Simba na Mtibwa Sugar ambazo kila moja zina pointi nne lakini zinapishana kwa idadi ya mabao ya kufunga na kufungwa.