Kocha Mkuu wa Yanga, Ernie Brandts
ametibuana na beki wake, Kelvin Yondani na kumuondoa kuendelea na mazoezi.
Katika mazoezi ya timu hiyo leo kwenye
Uwanja wa Shule ya Sekondari ya Royola jijini Dar, Brandts amemtaka Yondani
kuondoka ndani ya uwanja baada ya kutofanya alichokuwa anamuelekeza.
Brandts alitaka Yondani akimbie kwa kasi
zaidi, lakini yeye hakufanya hivyo, akachukua uamuzi wa kumuondoa mazoezini.
“Kweli nimefanya hivyo kwa kuwa
namsisitiza kukimbia kwa kasi ya juu na yeye anakimbia taratibu, nimerudia
lakini bado hakufuata. Nimeona vema akatupisha,” alisema Brandts.
Baada ya kutoka uwanjani, Yondani
aliamua kuondoka zake katika eneo hilo, na baada ya mazoezi, Brandts
alimuulizia na kuelezwa ‘aliishasepa’.
0 COMMENTS:
Post a Comment